ಅಲರ್ಜಿಗೆ ಹೋಮಿಯೋಪತಿ ಮದ್ದು

ಅಲರ್ಜಿಗೆ ಹೋಮಿಯೋಪತಿ ಮದ್ದು. ಅಲರ್ಜಿ ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನರೀತಿಯಲ್ಲಿ ವ್ಯಕ್ತವಾಗಬಹುದು. ತೀರಾ ಗಂಭೀರವಲ್ಲದಿದ್ದರೂ ಇದನ್ನು ಅಲಕ್ಷಿಸಿದರೆ ಅಪಾಯಕಾರಿ. ಹೋಮಿಯೋಪತಿಯಲ್ಲಿ ಅಲರ್ಜಿಗೆ ಪರಿಣಾಮಕಾರಿ ಚಿಕಿತ್ಸೆಯಿದೆ.

ನಮ್ಮ ದೇಹವು ಕೆಲವು ವಸ್ತುಗಳಿಗೆ ಎಕ್ಸ್‍ಪೋಸ್ ಆದಾಗ ದೇಹದ ಮೇಲೆ ಆಗುವ ಹಾನಿಕಾರಕ ಪರಿಣಾಮಗಳಿಗೆ ಅಲರ್ಜಿ ಅನ್ನುತ್ತೇವೆ.
ಯಾವುದೋ ಒಂದು ವಸ್ತುವಿಗೆ ನಮ್ಮ ದೇಹವು ಅಸಮಾನ್ಯವಾಗಿ ಅಥವಾ ಅನಿಯಮಿತವಾಗಿ ಪ್ರತಿಕ್ರಿಯಿಸುವುದರಿಂದ ಆ ವಸ್ತುವಿನ ವಿರುದ್ಧ antibodies ನಮ್ಮ ದೇಹದಲ್ಲಿ ಉತ್ಪತ್ತಿಯಾಗುವುದರಿಂದ ಅಲರ್ಜಿ ಉಂಟಾಗುತ್ತದೆ.
ಅಲರ್ಜಿ ಯಾವುದೇ ಒಂದು ವಸ್ತುವಿನಿಂದ ಉಂಟಾಗಬಹುದು ಅಥವಾ ಹಲವಾರು ವಸ್ತುಗಳಿಂದ ಆಗಬಹುದು. ಎಲ್ಲಾ ವಸ್ತುಗಳೂ ಎಲ್ಲರಿಗೂ ಅಲರ್ಜಿಯನ್ನು ಉಂಟು ಮಾಡುವುದಿಲ್ಲ. ಒಬ್ಬರಿಗೆ ಅಲರ್ಜಿಯಾಗುವ ವಸ್ತು ಇನ್ನೊಬ್ಬರಿಗೆ ಅಲರ್ಜಿಯಾಗದೇ ಇರಬಹುದು. ಸಾಮಾನ್ಯವಾಗಿ ಅಲರ್ಜಿ ಉಂಟು ಮಾಡುವ ವಸ್ತುಗಳು ನಮ್ಮ ದಿನ ಬಳಕೆಯ ವಸ್ತುಗಳಾಗಿರುತ್ತವೆ ಮತ್ತು ಅವುಗಳ ಬಳಕೆ ಅನಿವಾರ್ಯವಾಗಿರುತ್ತದೆ.
ಅಲರ್ಜಿಗಳನ್ನುಂಟು ಮಾಡುವ ವಸ್ತುಗಳು

ಆಹಾರ ಪದಾರ್ಥಗಳು:

ಆಹಾರದಲ್ಲಿನ ಯಾವುದೋ ಒಂದು ಪದಾರ್ಥದಿಂದ ಅಲರ್ಜಿಯಾಗಬಹುದು. ಅದರಿಂದ ಬಾಯಿ ಒಡೆಯುವುದು, ಹೊಟ್ಟೆಯಲ್ಲಿ ಹುಣ್ಣಾಗುವುದು, ಮಲಬದ್ಧತೆ, ಎದೆ ಉರಿಯುವುದು ಉಂಟಾಗಬಹುದು. ಅಥವಾ ಚರ್ಮದ ತೊಂದರೆ ಉಂಟಾಗಬಹುದು. ಬೇಕರಿ ಪದಾರ್ಥಗಳು, ಚಾಟ್ಸ್ ಮತ್ತು ಹೊಟೇಲುಗಳಿಂದ ಆಗುವ ಅಲರ್ಜಿ ಬಹಳ ಸಾಮಾನ್ಯವಾದುದು.

ಭೌತಿಕ ವಸ್ತುಗಳು

ಅತಿಹೆಚ್ಚು ಉಷ್ಣ ಮತ್ತು ತಂಪು ಕೂಡ ಅಲರ್ಜಿ ಉಂಟು ಮಾಡಬಹುದು. ಉಷ್ಣ ಮತ್ತು ತಂಪಿನಿಂದ, ಚರ್ಮದ ತೊಂದರೆಗಳು ಹೆಚ್ಚಾಗಿ ಕಂಡು ಬರುವುದು.

ಔಷಧಿಗಳು:

ಔಷಧದಿಂದ ಆಗುವ ಅಲರ್ಜಿ ಲಕ್ಷಣಗಳು ಬಹಳ. ಕೆಲವು antibodies ಮತ್ತು steroids ಗಳಿಂದ ಅಲರ್ಜಿಯಾಗವ ಸಾಧ್ಯತೆ ಹೆಚ್ಚು.
ಚರ್ಮದ ತೊಂದರೆಗಳು, ಬಾಯಿಯಲ್ಲಿ ಹುಣ್ಣಾಗುವುದು, ಮಲಬದ್ಧತೆ ಮುಂತಾದ ತೊಂದರೆಗಳು ಆಗಬಹುದು.
ಬಟ್ಟೆ: ಬಟ್ಟೆಯಿಂದಾಗಿ ಚರ್ಮದ ತೊಂದರೆಯಾಗಬಹುದು. ನೈಲಾನ್‍ಬಟ್ಟೆ ಮತ್ತು ಸಿಲ್ಕ್ ಬಟ್ಟೆಯಿಂದ ಸಾಮಾನ್ಯವಾಗಿ ಅಲರ್ಜಿಯಾಗಬಹುದು. ಹತ್ತಿಬಟ್ಟೆಯಿಂದ ಅಲರ್ಜಿಯಾಗುವುದು ತುಂಬಾ ಕಡಿಮೆ.
ಆಭರಣಗಳು: ಚಿನ್ನದ ಆಭರಣಗಳು ಮತ್ತು ಬೆಳ್ಳಿಯ ಆಭರಣಗಳಿಂದಲೂ ಚರ್ಮದ ಅಲರ್ಜಿಯಾಗಬಹುದು.
ಸಸ್ಯಗಳು: ಪಾರ್ಥೇನಿಯಂ ನಂತಹ ಕೆಲವು ಸಸ್ಯಗಳಿಂದ ಚರ್ಮದ ಅಲರ್ಜಿ ಮತ್ತು ಶ್ವಾಸಕೋಶದ ಅಲರ್ಜಿಯಾಗಬಹುದು.
ಪ್ರಾಣಿಗಳು: ಕೆಲವು ಸಾಕು ಪ್ರಾಣಿಗಳಿಂದಲೂ ಅಲರ್ಜಿಯಾಗಬಹುದು. ಉದಾ: ಬೆಕ್ಕು, ನಾಯಿ, ಹಸುಗಳು ಇತ್ಯಾದಿ

ಅಲರ್ಜಿ ಉಂಟು ಮಾಡುವ ಇತರ ವಸ್ತುಗಳು:

Cosmetics, Perfumes, Parasites ಸೂಕ್ಷ್ಮಾಣುಜೀವಿಗಳು ಇತ್ಯಾದಿ.

ಅಲರ್ಜಿಯ ಲಕ್ಷಣಗಳು

ಅಲರ್ಜಿ ಉಂಟು ಮಾಡುವ ವಸ್ತುವಿನ ಸ್ವಭಾವ ಮತ್ತು ಅದು ಯಾವ ಮಾರ್ಗದಿಂದ ದೇಹವನ್ನು ಪ್ರವೇಶಿಸುತ್ತದೆ ಎಂಬುದರ ಮೇಲೆ ಅವಲಂಬಿಸಿರುತ್ತದೆ.

ದೈಹಿಕ ತೊಂದರೆಗಳು
ಇಸುಬು
ಚರ್ಮರೋಗಗಳು
ಮೊಡವೆ
ಕೂದಲು ಉದುರುವುದು
ಸೋರಿಯಾಸಿಸ್
ಶ್ವಾಸಕೋಶದ ತೊಂದರೆಗಳು:
ಕೆಮ್ಮು, ನೆಗಡಿ
ಅಸ್ತಮಾ
ಸೈನುಸೈಟಿಸ್
ಜೀಣಾಂಗಗಳ ಕಾಯಿಲೆಗಳು:
ಬಾಯಿ ಹುಣ್ಣು
ಎದೆ ಉರಿ
ಹೊಟ್ಟೆ ಹುಣ್ಣು
ಮಲಬದ್ಧತೆ
ಅತಿಸಾರ ಇತ್ಯಾದಿ

1.ಅಲರ್ಜಿಯು ವಂಶಪರಂಪರೆಯಾಗಿ ಬರಬಹುದು. ಸೂಕ್ತ ಸಮಯದವರೆಗೆ ಸುಪ್ತಾವಸ್ಥೆಯಲ್ಲಿದ್ದು ಒಮ್ಮೆಲೇ ಕಾಣಿಸಿಕೊಳ್ಳಬಹುದು. ದೇಹದ ರೋಗನಿರೋಧಕ ಶಕ್ತಿ ಕುಂದಿದಾಗ ಅಲರ್ಜಿ ಕಾಣಿಸಿಕೊಳ್ಳುವುದು ಸರ್ವೇ ಸಾಮಾನ್ಯ.
2.ಪೂರ್ವಿಕರಲ್ಲಿ ಇರಬಹುದಾದ ಅಲರ್ಜಿಯ ಲಕ್ಷಣಗಳು ಮಕ್ಕಳಲ್ಲಿ ಕಾಣಿಸಿಕೊಳ್ಳಬಹುದು. ಅಥವಾ ಇರಬೇಕೆಂದೂ ಇಲ್ಲ. ತಂದೆಯಲ್ಲಿ ಶ್ವಾಸಕೋಶದ ತೊಂದರೆ ಇದ್ದ ಮಕ್ಕಳಲ್ಲಿ ಚರ್ಮದ ಕಾಯಿಲೆ ಕಾಣಿಸಿಕೊಳ್ಳಬಹುದು.
3.ಕೆಲವು ಜನರಲ್ಲಿ ಅಲರ್ಜಿಯ ಲಕ್ಷಣಗಳು ಪರ್ಯಾಯವಾಗಿ ಅಥವಾ ಸರತಿಯಲ್ಲಿ ಕಾಣಿಸಿಕೊಳ್ಳಬಹುದು. ಚಿಕ್ಕವಯಸ್ಸಿನಲ್ಲಿ ಚರ್ಮದ ಅಲರ್ಜಿ ಇದ್ದರೆ, ದೊಡ್ಡವನಾದ ಮೇಲೆ ಅಸ್ತಮಾ ಬರಬಹುದು. ಅದೇ ರೀತಿ, ಚಿಕ್ಕ ವಯಸ್ಸಿನಲ್ಲಿ ಶ್ವಾಸಕೋಶದ ಅಲರ್ಜಿ ಇದ್ದು ದೊಡ್ಡವನಾದ ಮೇಲೆ ಚರ್ಮದ ಅಲರ್ಜಿಯಿಂದ ಬಳಲೂಬಹುದು.

ಅಲರ್ಜಿಗೆ ಹೋಮಿಯೋಪತಿ ಉಪಚಾರ

ಅಲರ್ಜಿಯನ್ನುಂಟು ಮಾಡುವ ವಸ್ತುಗಳಿಂದ ದೂರವಿರುವುದು ಸೂಕ್ತ. ಅದು ಎಲ್ಲರಿಂದ ಸಾಧ್ಯವಾಗುವುದಿಲ್ಲ. ಏಕೆಂದರೆ, ಎಷ್ಟೋ ಸಲ ಅಲರ್ಜಿ ಉಂಟುಮಾಡುವ ವಸ್ತುಗಳು ಜೀವನಕ್ಕೆ, ಅನಿವಾರ್ಯವಾಗಿರುತ್ತದೆ.
ಆದ್ದರಿಂದ ಇದಕ್ಕೆ ಉತ್ತಮ ಪರಿಹಾರವೇನೆಂದರೆ, ನಮ್ಮ ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದು. ಅಲರ್ಜಿ ಉಂಟು ಮಾಡುವ ವಸ್ತುಗಳಿಗೆ ಪದೇ ಪದೇ ಒಳಪಟ್ಟಾಗ ಕೂಡ ರೋಗದ ಲಕ್ಷಣಗಳ ತೀವ್ರತೆ ಮತ್ತು ಪುನಾರಾವರ್ತನೆ ಬಹುತೇಕ ಕಡಿಮೆಯಾಗುತ್ತದೆ.
ಹೋಮಿಯೋಪತಿ ಚಿಕಿತ್ಸೆಯಿಂದ ಮಾತ್ರ ಇದು ಸಾಧ್ಯ ಹೋಮಿಯೋಪಥಿಕ್ ಔಷಧಗಳು ದೇಹದ ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತವೆ ಮತ್ತು ದೇಹವು ಅಲರ್ಜಿ ಉಂಟು ಮಾಡುವ ವಸ್ತುಗಳಿಗೆ ನಿಯಮಿತವಾಗಿ ಪ್ರತಿಕ್ರಿಯಿಸುವಂತೆ ಮಾಡುತ್ತವೆ ಮತ್ತು ಅಲರ್ಜಿಯನ್ನು ಬೇರು ಸಹಿತ ಹೋಗಲಾಡಿಸುತ್ತದೆ.
ಅಲರ್ಜಿಗಾಗಿ ಕೊಡಲಾಗುವ ಬೇರೆ ಬೇರೆ ವೈದ್ಯಪದ್ಧತಿಯ ಔಷಧಿಗಳಿಂದ, ಅಲರ್ಜಿಯ ಲಕ್ಷಣಗಳು ತಾತ್ಕಾಲಿಕ ಉಪಶಮನಗೊಂಡು, ಬೇರೆ ರೀತಿಯಲ್ಲಿ ಪ್ರತಿಫಲಿಸುವ ಸಾಧ್ಯತೆಯೂ ಇದೆ.
ಹೋಮಿಯೋಪತಿ ಚಿಕಿತ್ಸೆಯಿಂದ ಅಲರ್ಜಿಯನ್ನು ಸಂಪೂರ್ಣವಾಗಿ ಗುಣಪಡಿಸಬಹುದು. ಅದಕ್ಕೆ ವ್ಯಕ್ತಿಯ ರೋಗದÀ ವಿವರ ಭೂತಕಾಲದಲ್ಲಿ ರೋಗಿಯು ಅನುಭವಿಸಿರಬಹುದಾದ ಎಲ್ಲಾ ರೋಗ ಲಕ್ಷಣಗಳ ವಿವರ ಮತ್ತು ಗರ್ಭವಸ್ಥೆಯಿಂದ ಇಲ್ಲಿಯವರೆಗೂ ರೋಗಿಯು ಅನುಭವಿಸಿರಬಹುದಾದ ಎಲ್ಲಾ ರೋಗದ ಲಕ್ಷಣಗಳ ವಿವರ ಮತ್ತು ಪೂರ್ವಿಕರಲ್ಲಿ ಇದ್ದಿರಬಹುದಾದ ಎಲ್ಲಾ ಅಲರ್ಜಿ ರೋಗದ ಮತ್ತು ಇತರ ರೋಗಗಳ ಲಕ್ಷಣಗಳ ವಿವರವನ್ನು ಕೂಲಂಕುಶವಾಗಿ ಪರಿಶೀಲಿಸಿ ಔಷಧಿ ನೀಡಲಾಗುತ್ತದೆ.
ಹೋಮಿಯೋಪಥಿಕ್ ಚಿಕಿತ್ಸೆ, ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗಿರುವುದು.