ಹೃದಯ ಸಮಸ್ಯೆಗಳಿರುವ ರೋಗಿಗಳಲ್ಲಿ ಕೋವಿಡ್ ಸೋಂಕು ಅಧಿಕ. ಇಲ್ಲಿಯವರೆಗೆ ಕೋವಿಡ್‍ನಿಂದ ಮರಣಕ್ಕೆ ಈಡಾಗಿರುವವರಲ್ಲಿ ವಯಸ್ಸಾಗಿರುವವರೇ ಅಧಿಕ ಎಂದು ಸ್ಪಷ್ಟವಾಗಿ ತಿಳಿಯುತ್ತದೆ. ಅದಕ್ಕಾಗಿ ಸರಕಾರವೂ ಸಹಾ ಹೃದ್ರೋಗಿಗಳಿಗೆ ಹೆಚ್ಚುವರಿ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ಸೂಚಿಸಿದೆ.
ಹೃದಯ ರೋಗಿಗಳಿಗೆ ಕೋವಿಡ್ ಸೋಂಕು ವೇಗವಾಗಿ ಹಿಡಿಯುತ್ತದೆ ಎಂದು ಹೊಸ ಅಧ್ಯಯನವು ಬಹಿರಂಗಪಡಿಸುತ್ತದೆ. ಹಾಗಾಗಿ ಅಂತವರು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಬೇಕು. ಅದಕ್ಕಾಗಿ ಆಂಟಿ-ಆಕ್ಸಿಡೆಂಟ್, ವಿಟಮಿನ್ ಸಿ, ಅರಿಶಿನ, ನೆಲ್ಲಿಕಾಯಿ, ತುಳಸಿ ಮುಂತಾದವುಗಳನ್ನು ಹೆಚ್ಚುವರಿ ಪ್ರಮಾಣವನ್ನು ತೆಗೆದುಕೊಳ್ಳಬೇಕು; ಸಾಕಷ್ಟು ತರಕಾರಿಗಳು, ಸಲಾಡ್ ಮತ್ತು ಹಣ್ಣುಗಳನ್ನು ಸೇವಿಸಬೇಕು.
ಕೋವಿಡ್ ಸಾಂಕ್ರಾಮಿಕವು ರಾಷ್ಟ್ರವನ್ನು ಉಗ್ರವಾಗಿ ಕಾಡುತ್ತಿದೆ. ಕೊರೋನಾ ಸೋಂಕಿತರ ಸಂಖ್ಯೆಯೂ ಸಹಾ ದಿನದಿಂದ ದಿನಕ್ಕೆ ಏರುತ್ತಲೇ ಇದೆ. ಮೊದಲೇ ಹೇಳಿದಂತೆ ಹೃದಯ ಸಂಬಂಧೀ ಕಾಯಿಲೆ ಹೊಂದಿರುವ ರೋಗಿಗಳು ಈ ಸೋಂಕಿಗೆ ಹೆಚ್ಚು ಗುರಿಯಾಗುತ್ತಿದ್ದಾರೆ. ಅದಕ್ಕಾಗಿ ಸರಕಾರವೂ ಸಹಾ ಹೃದ್ರೋಗಿಗಳಿಗೆ ಹೆಚ್ಚುವರಿ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ಸೂಚಿಸಿದೆ.
ವಯಸ್ಸಾದವರಲ್ಲಿ ಸೋಂಕಿನ ಪ್ರಮಾಣ ಹೆಚ್ಚು:
ಕೋವಿಡ್ ಬಿಕ್ಕಟ್ಟು ಶುರುವಾಗಿ ಸುಮಾರು ತಿಂಗಳುಗಳೇ ಕಳೆದಿವೆ. ಇಲ್ಲಿಯವರೆಗೆ ಕೋವಿಡ್‍ನಿಂದ ಮರಣಕ್ಕೆ ಈಡಾಗಿರುವವರಲ್ಲಿ ವಯಸ್ಸಾಗಿರುವವರೇ ಅಧಿಕ ಎಂದು ಸ್ಪಷ್ಟವಾಗಿ ತಿಳಿಯುತ್ತದೆ. ಈ ಸೋಂಕಿನ ಪ್ರಮಾಣವು 80 ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಲ್ಲಿ ಹದಿನೈದು ಪಟ್ಟು ಹೆಚ್ಚಾಗಿದೆ ಮತ್ತು 60 ವರ್ಷಕ್ಕಿಂತ ಮೇಲ್ಪಟ್ಟ ಜನರಲ್ಲಿ ಆರು ಪಟ್ಟು ಹೆಚ್ಚು ಎಂದು ಗಮನಿಸಲಾಗಿದೆ. ಭಾರತದಲ್ಲಿ ಕೋವಿಡ್‍ನ ಚೇತರಿಕೆ ಪ್ರಮಾಣವು ಸುಮಾರು 75% ತಲುಪಿದ್ದರೂ ಸಹ, ಮರಣ ಪ್ರಮಾಣ ಇನ್ನೂ ಹೆಚ್ಚಿನ ಮಟ್ಟದಲ್ಲಿದೆ. ವೈರಸ್‍ನಿಂದಾಗಿ ಪ್ರಾಣ ಕಳೆದುಕೊಂಡವರಲ್ಲಿ ಸುಮಾರು 15% ಜನರು ಹೃದಯದ ತೊಂದರೆಗಳ ಇತಿಹಾಸವನ್ನು ಹೊಂದಿದ್ದಾರೆ.
ಮೊದಲೇ ಹೃದಯ ಸಮಸ್ಯೆಗಳಿರುವ ರೋಗಿಗಳಲ್ಲಿ ಕೊರೋನಾ ಸೋಂಕಿನ ಜೊತೆಗೆ ಮಧುಮೇಹ ಮತ್ತು ಅಧಿಕ ರಕ್ತದೊತ್ತಡ ಸೇರಿದಂತೆ ಇತರ ಸಹ-ಕಾಯಿಲೆಗಳು ಹೆಚ್ಚುವರಿ ಅಂಶಗಳಾಗಿ ಸೇರ್ಪಡೆಯಾಗುತ್ತಿವೆ. ವಯಸ್ಸಾದವರಲ್ಲಿನ ಕಡಿಮೆ ರೋಗ ನಿರೋಧಕ ಶಕ್ತಿಯಿಂದ ಮತ್ತು ಉರಿಯೂತವನ್ನು ನಿಭಾಯಿಸಲು ಆಗದ್ದರಿಂದ ದೇಹದ ಪ್ರತಿಕ್ರಿಯೆಯ ವೇಗ ಕಡಿಮೆಯಾಗುವುದು, ಹೆಚ್ಚಿದ ವಯಸ್ಸು ಕೂಡಾ ಸ್ವಲ್ಪ ಮಟ್ಟಿಗೆ ಹೃದಯ ರೋಗಿಗಳಿಗೆ ಕಾಡುವ ಪ್ರಮುಖ ಅಂಶಗಳಾಗಿವೆ. ಅಂತಹ ಹೃದಯ ರೋಗಿಗಳು ಕರೋನಾ ವೈರಸ್‍ಗೆ ಒಡ್ಡಿಕೊಳ್ಳುವುದನ್ನು ತಪ್ಪಿಸಲು ಹೆಚ್ಚುವರಿ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು.
Watch video: ಮಧುಮೇಹ ಮತ್ತು ಹೃದ್ರೋಗ – ಡಾ. ಮಹಾಂತೇಶ್ ಚರಂತಿಮಠ್
ನಿಮ್ಮಜೀವನಶೈಲಿಯನ್ನು ಬದಲಾಯಿಸಿ:
ಭಾರತದಲ್ಲಿ ಮಾತ್ರ 6 ಕೋಟಿ ಜನರು ಕೆಲವು ರೀತಿಯ ಹೃದಯ ಕಾಯಿಲೆಗಳನ್ನು ಹೊಂದಿದ್ದು, ಇದರಿಂದವರ್ಷಕ್ಕೆ 35 ಲಕ್ಷ ಸಾವಿನ ಪ್ರಮಾಣವಿದೆ. ಹೃದಯ ರೋಗಿಗಳ ಸಂಖ್ಯೆಗೆ ಸಂಬಂಧಿಸಿದಂತೆ ಮತ್ತು ಏರುಗತಿಯ ಹೃದಯ ರೋಗಿಗಳ ಸಂಖ್ಯೆಯನ್ನು ನೋಡಿದರೆ ಇದಕ್ಕೆ ಭಾರತವು ಇಡೀ ವಿಶ್ವದಲ್ಲಿಯೇ ಮಂಚೂಣಿಯಲ್ಲಿದೆ. ದೇಶದಲ್ಲಿ ದಿನಕ್ಕೆ ಸುಮಾರು 9000 ಜನರು ಹೃದಯ ಬೇನೆಯಿಂದಲೇ ತಮ್ಮ ಪ್ರಾಣವನ್ನು ಕಳೆದುಕೊಳ್ಳುತ್ತಾರೆ ಎಂದು ಅಂದಾಜಿಸಲಾಗಿದೆ ಮತ್ತು ಈ ಎಣಿಕೆ ದಿನದಿಂದ ದಿನಕ್ಕೆ ಇನ್ನೂ ಹೆಚ್ಚುತ್ತಿದೆ.
ಹೃದಯ ಸಂಬಂಧೀ ಕಾಯಿಲೆ ಹೊಂದಿರುವವರು ಮಾಡಬೇಕಾಗಿರುವುದೇನು?
1. ಹೃದಯದ ದೃಷ್ಟಿಕೋನದಿಂದ, ರೋಗಿಗಳು ತಮ್ಮ ರಕ್ತದೊತ್ತಡ ಹಾಗೂ ಸಕ್ಕರೆಯಂತಹ ಅಪಾಯಕಾರಿ ಅಂಶಗಳನ್ನು ಉತ್ತಮವಾಗಿರಿಸಿಕೊಳ್ಳಬೇಕು.
2. ಅವರು ಎಲ್ಲಾ ರೀತಿಯ ಮಾಂಸಾಹಾರಿ ಆಹಾರವನ್ನು ತಪ್ಪಿಸಬೇಕು ಮತ್ತು ಜಾಸ್ತಿ ಎಣ್ಣೆ ಅಂಶದ ವಸ್ತುಗಳಿಂದ ದೂರವಿರಬೇಕು.
3. ಸರಿಯಾಗಿ ವಾಕಿಂಗ್ ಮಾಡಲಾಗದವರು ಪ್ರತಿದಿನವೂ ಮನೆಯಲ್ಲಿಯೇ ಅರ್ಧಘಂಟೆಯವರೆಗೆ ಯೋಗ ಮತ್ತು ಧ್ಯಾನವನ್ನು ಮಾಡಬೇಕು.
4. ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಅವರು ಆಂಟಿ-ಆಕ್ಸಿಡೆಂಟ್, ವಿಟಮಿನ್ ಸಿ, ಅರಿಶಿನ, ಆಮ್ಲಾ, ತುಳಸಿಯಂತಹ ವಸ್ತುಗಳನ್ನು ಹೆಚ್ಚುವರಿ ಪ್ರಮಾಣದಲ್ಲಿ ತೆಗೆದುಕೊಳ್ಳಬೇಕು ಹಾಗೂ ಸಾಕಷ್ಟು ತರಕಾರಿಗಳು, ಸಲಾಡ್ ಮತ್ತು ಹಣ್ಣುಗಳನ್ನು ಸೇವಿಸಬೇಕು.
ಹಲವಾರು ವರದಿಗಳು ಮತ್ತು ಅಧ್ಯಯನಗಳ ಪ್ರಕಾರ, ಹೃದಯ ರಕ್ತನಾಳದ ಕಾಯಿಲೆಗಳು ಮತ್ತು ಅವುಗಳ ಅಪಾಯಕಾರಿ ಅಂಶಗಳು ಕರೋನವೈರಸ್ ಸೋಂಕಿನ ತೀವ್ರ ಸ್ವರೂಪಗಳಿಗೆ ಹೆಚ್ಚು ಗುರಿಯಾಗುತ್ತವೆ. ಜರ್ಮನಿಯ ಫ್ರಾಂಕ್‌ಫೋರ್ಡ್ ವಿಶ್ವವಿದ್ಯಾಲಯವು ಇತ್ತೀಚೆಗೆ ನಡೆಸಿದ ಸಂಶೋಧನೆಯ ಪ್ರಕಾರ, COVID-19 ಹೊಂದಿರುವ ಅಧ್ಯಯನ ಮಾಡಿದ ಅರ್ಧಕ್ಕಿಂತ ಹೆಚ್ಚು ರೋಗಿಗಳಲ್ಲಿ ನಿರಂತರ ಹೃದಯದ ಉರಿಯೂತವನ್ನು ಹೊಂದಿರುವುದು ಕಂಡುಬಂದಿದೆ. ಉತ್ತಮ ಹೃದಯ ಆರೋಗ್ಯಕ್ಕಾಗಿ ಸುಸ್ಥಿರ ಪೂರ್ವಭಾವಿ, ಆಹಾರ ಮತ್ತು ಜೀವನಶೈಲಿಯ ಮಾರ್ಪಾಡುಗಳನ್ನು ಮಾಡಲು ಒತ್ತು ನೀಡುವುದು ಮುಖ್ಯ.
ಆದಾಗ್ಯೂ, ಪ್ರಸ್ತುತ COVID-19 ವೈರಸ್ ಹೃದಯದ ಮೇಲೆ ಉಂಟಾಗುವ ದೀರ್ಘಕಾಲೀನ ಪರಿಣಾಮಗಳನ್ನು ಗುರುತಿಸಲು ಹೆಚ್ಚಿನ ಸಂಶೋಧನೆ ಮಾಡಬೇಕಾಗಿದೆ. ತಂಬಾಕು ಬಳಕೆ, ಅನಾರೋಗ್ಯಕರ ಆಹಾರ ಮತ್ತು ದೈಹಿಕ ನಿಷ್ಕ್ರಿಯತೆಯಂತಹ ಅಪಾಯಕಾರಿ ಅಂಶಗಳನ್ನು ನಿಯಂತ್ರಿಸುವ ಮೂಲಕ ಹೃದ್ರೋಗಗಳಿಂದ ಕನಿಷ್ಠ 80% ಅಕಾಲಿಕ ಮರಣವನ್ನು ತಪ್ಪಿಸಬಹುದು. ಉತ್ತಮ ಸಮತೋಲಿತ ಆಹಾರವನ್ನು ಸೇವಿಸುವುದು ಪೌಷ್ಠಿಕಾಂಶದ ಮೌಲ್ಯವನ್ನು ಹೆಚ್ಚು ಇರಿಸಿಕೊಳ್ಳಲು ಮತ್ತು ಹೃದಯ-ಆರೋಗ್ಯಕರ ಜೀವನವನ್ನು ನಡೆಸಲು ಸರಳವಾದ, ಪರಿಣಾಮಕಾರಿ ಮಾರ್ಗವಾಗಿದೆ. ಔಷಧಿಗಳಿಗೆ ಸಂಬಂಧಿಸಿದಂತೆ, ಕೆಲವು ಔಷಧಿಗಳು ಕರೋನಾ ಸೋಂಕಿನ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ತೋರಿಸಲಾಗಿದೆ. ಹಾಗಾಗಿ ಅದನ್ನು ಬದಲಿಸಿಕೊಳ್ಳುವ ಮೊದಲು ನಿಮ್ಮ ನಿಮ್ಮ ವೈದ್ಯರೊಂದಿಗೆ ಸಮಾಲೋಚಿಸಿ.
ಡಾ. ಮಹಂತೇಶ್ ಆರ್. ಚರಂತಿಮಠ್
ಹೃದ್ರೋಗ ತಜ್ಞರು ತಥಾಗತ್ ಹಾರ್ಟ್‍ಕೇರ್ ಸೆಂಟರ್
ಮಲ್ಲಿಗೆ ಮೆಡಿಕಲ್ ಸೆಂಟರ್ ಆವರಣ, ನಂ. 31/32, ಕೆಸೆಂಟ್ ರಸ್ತೆ, ಬೆಂಗಳೂರು-01
ಭೇಟಿ ಮಾಡಲು ಸಂಪರ್ಕಿಸಿ : 080-41410099, 9900356000
E-mail: mahanteshrc67@gmail.com
http://tathagathearthospital.com/
