ಸಾಸಿವೆ ಎಣ್ಣೆ ಪೌಷ್ಟಿಕಾಂಶದ ಆಗರ

ಸಾಸಿವೆ ಎಣ್ಣೆ ಪೌಷ್ಟಿಕಾಂಶದ ಆಗರ – ಆರೋಗ್ಯ ಪ್ರಯೋಜನಗಳು: ಸಾಸಿವೆ ಎಣ್ಣೆಯು ಶತಮಾನಗಳಿಂದ ಅನೇಕರ ಮನೆಗಳಲ್ಲಿ ಪ್ರಧಾನವಾಗಿ ಬಳಕೆಯಾಗುತ್ತದೆ. ಇದರ ವಿಶಿಷ್ಟ ಸುವಾಸನೆ ಮತ್ತು ಹಲವಾರು ಆರೋಗ್ಯ ಪ್ರಯೋಜನಗಳಿಗಾಗಿ ಹಲವಾರು ಮನೆಗಳಲ್ಲಿ ಇದನ್ನು ಹೆಚ್ಚು ಬಳಸಲಾಗುತ್ತದೆ.

ಸಾಸಿವೆ ಎಣ್ಣೆಯಲ್ಲಿ ಮೊನೊ-ಅಪರ್ಯಾಪ್ತ ಕೊಬ್ಬಿನಾಮ್ಲಗಳು (monounsaturated fatty acids)ಮತ್ತು ಬಹು ಅಪರ್ಯಾಪ್ತ ಕೊಬ್ಬಿನಾಮ್ಲಗಳು (polyunsaturated fatty acids -ಒಮೆಗಾ 3 ಮತ್ತು ಒಮೆಗಾ 6 ಕೊಬ್ಬಿನಾಮ್ಲಗಳು) ಸಮೃದ್ಧವಾಗಿವೆ. ಈ ಅಗತ್ಯ ಕೊಬ್ಬುಗಳು ಹೃದಯದ ಆರೋಗ್ಯವನ್ನು ಕಾಪಾಡಿಕೊಳ್ಳಲು, ಉರಿಯೂತವನ್ನು ಕಡಿಮೆ ಮಾಡಲು ಮತ್ತು ದೈಹಿಕ ಆರೋಗ್ಯ ಕಾಪಾಡಿಕೊಳ್ಳಲು ನೆರವಾಗುತ್ತದೆ. ಸಾಸಿವೆ ಎಣ್ಣೆಯು ಹೆಚ್ಚಿನ ವಿಟಮಿನ್ ಇ ಅನ್ನು ಹೊಂದಿದೆ. ವಿಟಮಿನ್ ಇ ಆಂಟಿಆಕ್ಸಿಡೆಂಟ್, ಇದು ಜೀವಕೋಶಗಳನ್ನು ಹಾನಿಯಾಗದಂತೆ ರಕ್ಷಿಸುತ್ತದೆ.

1. ಹೃದಯದ ಆರೋಗ್ಯ: ಸಾಸಿವೆ ಎಣ್ಣೆಯಲ್ಲಿ ಇರುವ ಒಮೆಗಾ – 3 ಕೊಬ್ಬಿನಾಮ್ಲಗಳು ಕೆಟ್ಟ ಕೊಲೆಸ್ಟ್ರಾಲ್ (ಎಲ್ಡಿಎಲ್) ಮಟ್ಟವನ್ನು ಕಡಿಮೆ ಮಾಡಲು ಮತ್ತು ರಕ್ತದಲ್ಲಿ ಉತ್ತಮ ಕೊಲೆಸ್ಟ್ರಾಲ್ (ಎಚ್ಡಿಎಲ್) ಮಟ್ಟವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದು ಅಪಧಮನಿ ಕಾಠಿಣ್ಯವನ್ನು (atherosclerosis), ತಡೆಗಟ್ಟುವಲ್ಲಿ ಸಹಕಾರಿ ಯಾಗುತ್ತದೆ. ಅಪಧಮನಿ ಕಾಠಿಣ್ಯ – ಅಂದರೆ ಅಪಧಮನಿಗಳ ಗಟ್ಟಿಯಾಗುವುದು ಮತ್ತು ಕಿರಿದಾಗುವಿಕೆ. ಇದು ಹೃದಯಾಘಾತ ಮತ್ತು ಪಾರ್ಶ್ವವಾಯುಗಳಿಗೆ ಕಾರಣವಾಗಬಹುದು.
2. ಉರಿಯೂತದ ಗುಣಲಕ್ಷಣಗಳು: ಸಾಸಿವೆ ಎಣ್ಣೆಯಲ್ಲಿ ಪ್ರಬಲವಾಗಿ ಒಮೆಗಾ-3 ಕೊಬ್ಬಿನಾಮ್ಲಗಳು ಮತ್ತು ಅಲೈಲ್ ಐಸೊಥಿಯೋಸೈನೇಟ್ (allyl isothiocyanate) ಅನ್ನು ಹೊಂದಿರುವ ಕಾರಣ, ಉರಿಯೂತ ಸಮಸ್ಯೆಗಳಿಗೆ ಬಹಳ ಒಳ್ಳೆಯದು. ಸಾಸಿವೆ ಎಣ್ಣೆಯ ನಿಯಮಿತ ಸೇವನೆಯು ದೇಹದಲ್ಲಿ ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದು ಸಂಧಿವಾತ, ಅಸ್ತಮಾ ಮತ್ತು ಇತರ ಉರಿಯೂತದ ಕಾಯಿಲೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
3. ಚರ್ಮ ಮತ್ತು ಕೂದಲಿನ ಆರೈಕೆ: ಸಾಸಿವೆ ಎಣ್ಣೆಯಲ್ಲಿರುವ ವಿಟಮಿನ್ ಇ ಅಂಶವು ಚರ್ಮ ಮತ್ತು ಕೂದಲಿನ ಆರೈಕೆಗೆ ಅತ್ಯುತ್ತಮವಾದ ನೈಸರ್ಗಿಕ ಪರಿಹಾರ. ಸಾಸಿವೆ ಎಣ್ಣೆ ಚರ್ಮದ ತೇವಾಂಶ ಕಾಪಾಡಿಕೊಳ್ಲಲು, ಚರ್ಮ ಸುಕ್ಕಾಗದಿರಲು ಮತ್ತು ಹಾನಿಕಾರಕ ಯುವಿ ಕಿರಣಗಳಿಂದ ರಕ್ಷಿಸಲು ಸಹಾಯ ಮಾಡುತ್ತದೆ. ಸಾಸಿವೆ ಎಣ್ಣೆಯು ಕೂದಲು ಕಿರುಚೀಲಗಳನ್ನು ಬಲಪಡಿಸುತ್ತದೆ, ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ ಮತ್ತು ತಲೆಹೊಟ್ಟು ಕಡಿಮೆಮಾಡುತ್ತದೆ.
4. ಆಂಟಿಬ್ಯಾಕ್ಟೀರಿಯಲ್ ಮತ್ತು ಆಂಟಿಫಂಗಲ್ ಗುಣಲಕ್ಷಣಗಳು: ಸಾಸಿವೆ ಎಣ್ಣೆಯಲ್ಲಿ ಗ್ಲುಕೋಸಿನೋಲೇಟ್ಗಳಿವೆ (glucosinolates), ಅಂದರೆ ಇದು ಆಂಟಿಬ್ಯಾಕ್ಟೀರಿಯಲ್ ಮತ್ತು ಆಂಟಿಫಂಗಲ್ ಗುಣಲಕ್ಷಣಗಳನ್ನು ಹೊಂದಿದೆ. ಆದ್ದರಿಂದ ಸಾಸಿವೆ ಎಣ್ಣೆಯು ಚರ್ಮದ ಸೋಂಕುಗಳು, ಗಾಯಗಳು ಮತ್ತು ಇತರ ಸೂಕ್ಷ್ಮಜೀವಿಗಳ ಸಮಸ್ಯೆಗಳಿಗೆ ಪರಿಣಾಮಕಾರಿಯಾದ ಚಿಕಿತ್ಸೆ ನೀಡುತ್ತದೆ. ಚರ್ಮ ಮತ್ತು ನೆತ್ತಿಯ ಶಿಲೀಂಧ್ರಗಳ ಸೋಂಕನ್ನು ತಡೆಗಟ್ಟಲು ಸಹಕಾರಿ.
5. ನೋವು ನಿವಾರಕ: ಸಾಸಿವೆ ಎಣ್ಣೆಯಿಂದ ನೋವು ಇರುವ ಜಾಗಗಳಲ್ಲಿ ಮಸಾಜ್ ಮಾಡಿದರೆ – ಸ್ನಾಯು ನೋವು, ಸಂಧಿವಾತ ಮತ್ತು ಕೀಲು ನೋವು ನಿವಾರಣೆಯಾಗುತ್ತದೆ. ಸಾಸಿವೆ ಎಣ್ಣೆ ಮಸಾಜ್ನಿಂದ ಉಂಟಾಗುವ ಶಾಖವು ರಕ್ತ ಪರಿಚಲನೆ ಸುಧಾರಿಸಲು ಮತ್ತು ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
6. ಉಸಿರಾಟದ ಆರೋಗ್ಯ: ಸಾಸಿವೆ ಎಣ್ಣೆಯನ್ನು ಇನ್ಹೇಲಿಂಗ್ ಮಾಡುವುದರಿಂದ ಕೆಟ್ಟಿದ ಮೂಗು ಸರಿಯಾಗಲು ಸಹಾಯ ಮಾಡುತ್ತದೆ. ಇದು ಶೀತ ಮತ್ತು ಕೆಮ್ಮನ್ನು ಕಡಿಮೆ ಮಾಡುತ್ತದೆ. ಸರಿಯಾಗಿ ಉಸಿರಾಡಲು ಅನುಕೂಲ ಮಾಡಿಕೊಡುತ್ತದೆ.

ಆಹಾರಕ್ರಮದಲ್ಲಿ ಸಾಸಿವೆ ಎಣ್ಣೆಯನ್ನು ಹೇಗೆ ಬಳಸುವುದು
• ಅಡುಗೆ: ಸಾಸಿವೆ ಎಣ್ಣೆಯನ್ನು ತರಕಾರಿಗಳನ್ನು ಹುರಿಯಲು, ಕರಿಯಲು, ಮೇಲೋಗರಗಳು ಅಥವಾ ಮ್ಯಾರಿನೇಟ್ ಮಾಡಲು ಬಳಸಬಹುದು.
• ಸಲಾಡ್ ಡ್ರೆಸ್ಸಿಂಗ್: ಸಾಸಿವೆ ಎಣ್ಣೆಯನ್ನು ನಿಂಬೆ ರಸ, ಜೇನುತುಪ್ಪ ಮತ್ತು ಮಸಾಲೆಗಳೊಂದಿಗೆ ಬೆರೆಸಿ ಸುವಾಸನೆ ಮತ್ತು ಪೌಷ್ಟಿಕ ಸಲಾಡ್ ಡ್ರೆಸ್ಸಿಂಗ್ ಮಾಡಲು ಬಳಸ ಬಹುದು.
• ಉಪ್ಪಿನಕಾಯಿ: ಸಾಸಿವೆ ಎಣ್ಣೆಯನ್ನು ಅದರ ಸಂರಕ್ಷಕ ಗುಣಗಳು ಮತ್ತು ವಿಶಿಷ್ಟ ರುಚಿಯಿಂದಾಗಿ ಉಪ್ಪಿನಕಾಯಿಯಲ್ಲಿ ಹೆಚ್ಚಾಗಿ ಬಳಸಲಾಗುತ್ತದೆ.

ಪ್ರಶಾಂತ್ ಸುಂದರೇಶ್ ಲೇಖನಗಳನ್ನು  ಓದಲು ಇಲ್ಲಿ ಕ್ಲಿಕ್ ಮಾಡಿ

ಪ್ರಶಾಂತ್ ಸುಂದರೇಶ್
ಸಹಸಂಸ್ಥಾಪಕರು ಮತ್ತು ಸಿಇಒ,
ವುಡಿಫೈಡ್ ನ್ಯಾಚುರಾ, 65/2, 6ನೇ ಅಡ್ಡರಸ್ತೆ ,
ಕಾವೇರಿಪುರ, ಬೆಂಗಳೂರು-560079
E-mail: prashanth@woodifiednatura.in
Ph: 91485 43303/ 9845764343
https://woodifiednatura.in