ಬೇವಿನ ಎಣ್ಣೆ ಉತ್ತಮ ಆರೋಗ್ಯಕಾರಿ ಅಂಶ ಗಳನ್ನು ಹೊಂದಿದೆ. ಆದ್ದರಿಂದ ಇದು ಕಾಂತಿಯುತ ತ್ವಚೆಯ ಆರೈಕೆಯಲ್ಲಿ ಹೆಚ್ಚು ಪರಿಣಾಮಕಾರಿ
ಆರೋಗ್ಯಕರ ಮತ್ತು ಹೆಚ್ಚು ಕಾಂತಿಯುತ ತ್ವಚೆ ಪಡೆಯಲು ಬೇವಿನ ಎಣ್ಣೆ ಬಳಸಬಹುದು. ಬೇವಿನ ಎಣ್ಣೆ, ಬೇವಿನ ಮರದ ಬೀಜಗಳಿಂದ (ಅಜಾಡಿರಾಚ್ಟಾ ಇಂಡಿಕಾ – Azadirachta Indica) ತಯಾರಿಸಲಾಗುತ್ತದೆ. ಇದು ಶತಮಾನಗಳಿಂದ ಆಯುರ್ವೇದ ಔಷಧಗಳಲ್ಲಿ ಬಳಸಲ್ಪಡುತ್ತಿದ್ದು, ನೈಸರ್ಗಿಕ ತ್ವಚೆಯ ಆರೈಕೆಯಲ್ಲಿ ಬಹಳ ಜನಪ್ರಿಯವಾಗಿದೆ.
ಬೇವಿನ ಎಣ್ಣೆಯ ಸಂಯೋಜನೆ
• ಇದರಲ್ಲಿ ಕೊಬ್ಬಿನಾಮ್ಲಗಳಿವೆ (ಉದಾಹರಣೆಗೆ – oleic, stearic, palmitic, and linoleic acids). ಇದು ಚರ್ಮವನ್ನು ಪೋಷಿಸಿ, ತ್ವಚೆಯ ತೇವಾಂಶವನ್ನು ಕಾಪಾಡುತ್ತದೆ .
• ಇದರಲ್ಲಿರುವ ವಿಟಮಿನ್ ಇ ಉತ್ಕರ್ಷಣ ನಿರೋಧಕವನ್ನು ಹೊಂದಿದ್ದು ಫ್ರೀ ರಾಡಿಕಲ್ ಹಾನಿಯಿಂದ ಚರ್ಮವನ್ನು ರಕ್ಷಿಸಲು ಸಹಾಯ ಮಾಡುತ್ತದೆ.
• ಬೇವಿನ ಎಣ್ಣೆಯಲ್ಲಿ ಟ್ರೈಸಿಗ್ಲಿಸರೈಡ್ಗಳಿವೆ(Tricyglycerides). ಇದು ಚರ್ಮದ ನೈಸರ್ಗಿಕ ಕಾರ್ಯವನ್ನು ಪೂರೈಸಲು ಹಾಗೂ ತ್ವಚೆಯ ತೇವಾಂಶವನ್ನು ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ.
• ಬೇವಿನ ಎಣ್ಣೆಯಲಿರುವ ನಿಂಬಿಡಿನ್ ಮತ್ತು ನಿಂಬಿನ್ (Nimbidin and Nimbin)- ಉರಿಯೂತ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳನ್ನು ಹೊಂದಿವೆ. ಆದ್ದರಿಂದ ಬೇವಿನ ಎಣ್ಣೆ ಮೊಡವೆ ಮತ್ತು ಇತರ ಚರ್ಮದ ಸಮಸ್ಯೆಗಳಿಗೆ ಪರಿಣಾಮಕಾರಿ.
ಬೇವಿನ ಎಣ್ಣೆಯ ಪ್ರಯೋಜನಗಳು
• ಮೊಡವೆ ಮತ್ತು ಕಲೆಗಳಿಗೆ ಅತ್ಯುತ್ತಮ ಔಷಧ. ಬೇವಿನ ಎಣ್ಣೆಯ ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳು ಮೊಡವೆಗಳಿಗೆ ಒಳ್ಳೆಯ ಔಷಧ. ಇದು ಮೊಡವೆ ಉಂಟುಮಾಡುವ ಬ್ಯಾಕ್ಟೀರಿಯಾವನ್ನು ಕೊಲ್ಲಲು ಸಹಾಯ ಮಾಡುತ್ತದೆ. ಉರಿಯೂತದ ಗುಣಲಕ್ಷಣಗಳು ಚರ್ಮದ ಕೆಂಪಾಗುವಿಕೆ ಮತ್ತು ಊತವನ್ನು ಕಡಿಮೆ ಮಾಡುತ್ತದೆ. ಬೇವಿನ ಎಣ್ಣೆಯಲ್ಲಿರುವ ಕೊಬ್ಬಿನಾಮ್ಲಗಳು ಮೊಡವೆಗಳನ್ನು ತಡೆಯಲು, ಕಲೆಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ.
• ಒಣ ತ್ವಚೆಗೆ ಬೇವಿನ ಎಣ್ಣೆ ಅತ್ಯುತ್ತಮ ಮಾಯಿಶ್ಚರೈಸರ್. ಕೊಬ್ಬಿನಾಮ್ಲಗಳು ಮತ್ತು ವಿಟಮಿನ್ ಇ ಚರ್ಮದ ಆಳಕ್ಕೆ ಹೋಗಿ ತೇವಾಂಶ ಹೆಚ್ಚಿಸಿ ಒಣ ಚರ್ಮವನ್ನು ರಕ್ಷಿಸುತ್ತದೆ. ನಿಯಮಿತವಾಗಿ ಬಳಸುವುದರಿಂದ ಶುಷ್ಕತೆ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದು ಚರ್ಮವನ್ನು ಮೃದು ಮತ್ತು ಕೋಮಲವಾಗಿಸುತ್ತದೆ.
• ಆಂಟಿ ಏಜಿಂಗ್ ಗುಣಲಕ್ಷಣಗಳು ಇದರಲ್ಲಿ ಹೆಚ್ಚು. ಬೇವಿನ ಎಣ್ಣೆ ಆಕ್ಸಿಡೇಟಿವ್ ಒತ್ತಡದ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಕೊಲ್ಲಾಜೆನ್ ಉತ್ಪಾದನೆಯನ್ನು ಉತ್ತೇಜಿಸಿ, ಚರ್ಮದ ಸುಕ್ಕುಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
• ಚರ್ಮದ ತುರಿಕೆ ಶಮನಗೊಳಿಸುತ್ತದೆ. ಬೇವಿನ ಎಣ್ಣೆಯಲ್ಲಿರುವ ಉರಿಯೂತ ನಿವಾರಕ ಗುಣಗಳು ಚರ್ಮವನ್ನು ಶಮನಗೊಳಿಸಲು ಒಳ್ಳೆಯದು. ಬೇವಿನ ಎಣ್ಣೆಯು ಅಸ್ವಸ್ಥತೆಯನ್ನು ಕಡಿಮೆ ಮಾಡಲು ಮತ್ತು ಎಸ್ಜಿಮಾ, ಸೋರಿಯಾಸಿಸ್ ಅಥವಾ ಯಾವುದೇ ಚರ್ಮದ ಉರಿಯೂತವನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ.
• ಬೇವಿನ ಎಣ್ಣೆಯು ಹೈಪರ್-ಪಿಗ್ಮೆಂಟೇಶನ್ ಅನ್ನು ಕಡಿಮೆ ಮಾಡಲು ಮತ್ತು ಚರ್ಮದ ಕಾಂತಿ ಹೆಚ್ಚಿಸಲು ಸಹಾಯ ಮಾಡುತ್ತದೆ. ಬೇವಿನ ಎಣ್ಣೆಯಲ್ಲಿರುವ ಉತ್ಕರ್ಷಣ ನಿರೋಧಕಗಳು ಹಾನಿಗೊಳಗಾದ ಚರ್ಮವನ್ನು ಸರಿಪಡಿಸಲು, ಕಪ್ಪು ಕಲೆಗಳನ್ನು ಕಡಿಮೆ ಮಾಡಲು ಮತ್ತು ಮೈಬಣ್ಣವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.
ಮೊಡವೆಗಳ ಚಿಕಿತ್ಸೆ
ಹತ್ತಿ ಬಳಸಿ ಮೊಡವೆಗಳು ಮತ್ತು ಕಲೆಗಳ ಮೇಲೆ ನೇರವಾಗಿ ಕೆಲವು ಹನಿ ಬೇವಿನ ಎಣ್ಣೆಯನ್ನು ಲೇಪಿಸಿ. ರಾತ್ರಿಯಿಡೀ ಹಾಗೆ ಬಿಡಿ ಮತ್ತು ಬೆಳಿಗ್ಗೆ ತೊಳೆಯಿರಿ. ಇದರ ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳು ಕಲೆಯ ಗಾತ್ರ ಮತ್ತು ಕೆಂಪು ಬಣ್ಣವನ್ನು ಕಡಿಮೆ ಮಾಡಲು ಕೆಲಸ ಮಾಡುತ್ತದೆ.
ಪ್ರಶಾಂತ್ ಸುಂದರೇಶ್
ಸಹಸಂಸ್ಥಾಪಕರು ಮತ್ತು ಸಿಇಒ,
ವುಡಿಫೈಡ್ ನ್ಯಾಚುರಾ, 65/2, 6ನೇ ಅಡ್ಡರಸ್ತೆ ,
ಕಾವೇರಿಪುರ, ಬೆಂಗಳೂರು-560079
E-mail: prashanth@woodifiednatura.in
Ph: 91485 43303/ 9845764343
https://woodifiednatura.in
