ಕರೋನವೈರಸ್‍ಗಳ ವಿರುದ್ಧ ಹೋರಾಡಲು ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯ ಸಜ್ಜು. ಭವಿಷ್ಯದಲ್ಲಿ ಪ್ರಾಣಿಗಳಿಂದ ಮನುಷ್ಯರಿಗೂ ಹರಡಬಹುದಾದ ಎಲ್ಲಾ ಕರೋನವೈರಸ್‍ಗಳ ಪ್ರಯೋಗವನ್ನು ಪ್ರಾರಂಭಿಸುವ ಯೋಜನೆಯನ್ನು ವಿಶ್ವವಿದ್ಯಾಲಯ ದೃಢಪಡಿಸಿದೆ.
ಲಂಡನ್: ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯವು ಕೋವಿಡ್ -19 ವಿರುದ್ಧ ಮಾತ್ರವಲ್ಲದೆ ಭವಿಷ್ಯದಲ್ಲಿ ಪ್ರಾಣಿಗಳಿಂದ ಮನುಷ್ಯರಿಗೂ ಹರಡಬಹುದಾದ ಎಲ್ಲಾ ಕರೋನವೈರಸ್‍ಗಳ ಪ್ರಯೋಗವನ್ನು ಪ್ರಾರಂಭಿಸುವ ಯೋಜನೆಯನ್ನು 26-08-2020ರ ಬುಧವಾರದಂದು ದೃಢಪಡಿಸಿದೆ. ಹೊಸ ಲಸಿಕೆಯು DIOS-CoVax2, ಮಾನವರನ್ನು ಕಾಡುವ ಕರೋನವೈರಸ್ ಹಾಗು ಇನ್ನಿತರ ಅನೇಕ ಸಂಬಂಧೀ ವೈರಸ್‍ಗಳ ವಿರುದ್ಧ ಹೋರಾಡಲು ಈ ಪ್ರಯೋಗ ಸಹಕಾರಿಯಾಗಿದೆ.
ಎಲ್ಲಾ ಪ್ರಯೋಗಗಳನ್ನು ಪೂರೈಸಿದ ಈ ಲಸಿಕೆಯನ್ನು ನಂತರ ಸ್ಪ್ರಿಂಗ್-ಚಾಲಿತ ಜೆಟ್‍ಇಂಜೆಕ್ಷನ್ ಮೂಲಕ ಚರ್ಮಕ್ಕೆಕೊಡಲಾಗುತ್ತದೆ. ಇದರಿಂದ ಸೂಜಿ ಇಲ್ಲದೆ ನೋವು ಮುಕ್ತವಾಗಿ ಲಸಿಕೆಯನ್ನು ದೇಹಕ್ಕೆ ತಲುಪಿಸಬಹುದು.ಈ ವಿಧಾನವು SARS-CoV-2 (ಕೋವಿಡ್ -19) ವೈರಸ್ ರಚನೆಯ 3ಡಿಕಂಪ್ಯೂಟರ್ ಮಾಡೆಲಿಂಗ್‍ ಅನ್ನು ಒಳಗೊಂಡಿರುತ್ತದೆ.ಇದು ವೈರಸ್ ಮತ್ತು SERS, MERS ಮತ್ತು ಪ್ರಾಣಿಗಳು ಹೊತ್ತೊಯ್ಯುವ ಸಂಬಂಧಿತ ಇನ್ನಿತರ ವೈರಸ್‍ಗಳ ಮಾಹಿತಿಯನ್ನು ಬಳಸುತ್ತದೆ. ಇದರಿಂದ ಭವಿಷ್ಯದಲ್ಲಿ ಮತ್ತೆ ಮಾನವರಿಗೆ ಕಾಡುವ ಸಾಂಕ್ರಾಮಿಕದ ಬೆದರಿಕೆಯನ್ನು ಎದುರಿಸಲು ಸಹಕಾರಿ ಎಂಬುದು ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದ ವೈರಲ್‍ಝೂನೋಟಿಕ್ಸ್‍ನ ಪ್ರಯೋಗಾಲಯದ ಮುಖ್ಯಸ್ಥ ಮತ್ತು ಕೇಂಬ್ರಿಡ್ಜ್ ಸ್ಪಿನ್‍ಔಟ್‍ಕಂಪನಿ ಡಿಯೋಸಿನ್ವಾಕ್ಸ್‍ನ ಸಂಸ್ಥಾಪಕ ಪ್ರೊಫೆಸರ್ ಜೊನಾಥನ್ ಹೀನಿ ಅಭಿಪ್ರಾಯವಾಗಿದೆ.
ಅಲ್ಲದೆ ವೈರಾಣುವಿನ ರಕ್ಷಾ ಕವಚದಲ್ಲಿ ಚಿಂಕ್‍ಗಳನ್ನು ಹುಡುಕುತ್ತಿದ್ದು, ವೈರಸ್‍ನ ನಿರ್ಣಾಯಕ ತುಣುಕುಗಳು ಪ್ರತಿರಕ್ಷಣಾ ಪ್ರತಿಕ್ರಿಯೆಯನ್ನು ಸರಿಯಾದ ದಿಕ್ಕಿನಲ್ಲಿ ಲಸಿಕೆ ನಿರ್ಮಿಸಲು ಬಳಸಿ, ಅಂತಿಮವಾಗಿ ಲಸಿಕೆ ತಯಾರಿಸುವ ಗುರಿಯನ್ನು ನಾವು ಹೊಂದಿದ್ದೇವೆ.ಅದು SARS-CoV-2 ನಿಂದ ಮಾತ್ರವಲ್ಲ, ಪ್ರಾಣಿಗಳಿಂದ ಮನುಷ್ಯರಿಗೆ ಹರಡಬಹುದಾದ ಇತರ ಸಂಬಂಧಿತ ವೈರಸ್‍ಗಳನ್ನೂ ಸಹ ನಾಶಮಾಡುತ್ತದೆ ಎಂದು ಹೇಳಿಕೆ ನೀಡಿದ್ದಾರೆ.
ಪ್ರೊಫೆಸರ್ ಜೊನಾಥನ್ ಹೀನಿ ಪ್ರಕಾರ ಅವರ ತಂಡದ ಕಾರ್ಯತಂತ್ರವು ವೈರಸ್‍ನ ಆ ಡೊಮೇನ್‍ಗಳನ್ನು ಗುರಿಯಾಗಿಸಿಕೊಳ್ಳುವುದಾಗಿದೆ. ಸಾಂಕ್ರಾಮಿಕರೋಗವನ್ನು ನಿಭಾಯಿಸುವ ತುರ್ತು ಅಗತ್ಯದಿಂದಾಗಿ ಹೆಚ್ಚಿನ ಸಂಶೋಧನಾ ಗುಂಪುಗಳು ಲಸಿಕೆ ಅಭಿವೃದ್ಧಿಗೆ ಸ್ಥಾಪಿತ ವಿಧಾನಗಳನ್ನು ಬಳಸಿಕೊಂಡಿವೆ. ಪ್ರಸ್ತುತ ಕ್ಲಿನಿಕಲ್ ಪ್ರಯೋಗಗಳು ಸಕಾರಾತ್ಮಕ ಫಲಿತಾಂಶವನ್ನು ಹೊಂದಿವೆ. ದೊಡ್ಡ ಮಟ್ಟದಲ್ಲಿ ಯಾವುದೇ ತೊಂದರೆ ಇಲ್ಲದೆ ಯಶಸ್ವಿಯಾದರೆ ಈ ಸುರಕ್ಷಿತ ಲಸಿಕೆಯನ್ನು ವ್ಯಾಪಕ ಬಳಕೆಗೆ ಹಾಗೂ ಕಡಿಮೆ ವೆಚ್ಚದಲ್ಲಿ ತಯಾರಿಸಬಹುದು ಮತ್ತು ವಿತರಿಸಬಹುದು ಎಂದು ಹೇಳಿದರು. ಡಿಯೋಸ್-ಕೋವಾಕ್ಸ್ 2, ಈ ವರ್ಷದ ಅಂತ್ಯದ ವೇಳೆಗೆ ಮಾನವ ಪ್ರಯೋಗಗಳಿಗೆ ಹೋಗಲು ಬಯಸುತ್ತಿದೆ. ಡಯೋಸಿನ್ವಾಕ್ಸ್ ನಡುವಿನ ಸಹಯೋಗದ ಭಾಗವಾಗಿ ಯುಕೆ ಸರ್ಕಾರವು 1.9 ಮಿಲಿಯನ್ ಪೌಂಡ್ಗಳಷ್ಟು ಹಣವನ್ನು ಬೆಂಬಲವಾಗಿ ನೀಡುತ್ತಿದೆ.
ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯ ಮತ್ತು ಯೂನಿವರ್ಸಿಟಿ ಹಾಸ್ಪಿಟಲ್ ಸೌತಾಂಪ್ಟನ್‍ ಎನ್‍ಎಚ್‍ಎಸ್ ಫೌಂಡೇಶನ್‍ಟ್ರಸ್ಟ್.ತಂಡವು ತಮ್ಮ ಉದ್ದೇಶಿತ ಹೊಸ ಲಸಿಕೆ ವಿಶೇಷವಾಗಿ ಕಡಿಮೆ ಮತ್ತು ಮಧ್ಯಮ ಆದಾಯದ ದೇಶಗಳಿಗೆ ಸಹಕಾರಿಯಾಗಿದೆ. ಅಲ್ಲದೆ ಇದನ್ನು ಫಾರ್ಮಾಜೆಟ್‍ಟ್ರಾಪಿಸ್ ಇಂಟ್ರಾಡರ್ಮಲ್ ಸೂಜಿ-ಮುಕ್ತ ಇಂಜೆಕ್ಷನ್ ಸಿಸ್ಟಮ್ ಮೂಲಕ ತಲುಪಿಸಬಹುದಾಗಿರುವುದರಿಂದ ಬಹಳಷ್ಟು ಅನುಕೂಲತೆ ಒದಗಿಸಲಿದೆ ಎಂದು ಸೌತಾಂಪ್ಟನ್‍ ಕ್ಲಿನಿಕಲ್ ರಿಸರ್ಚ್ ಫೆಸಿಲಿಟಿ ನಿರ್ದೇಶಕರು ಹೇಳಿದ್ದಾರೆ.
