ಕೋಲ್ಡ್ ಪ್ರೆಸ್ಸ್ಡ್ ಸೂರ್ಯಕಾಂತಿ ಎಣ್ಣೆ

ಕೋಲ್ಡ್ ಪ್ರೆಸ್ಸ್ಡ್ ಸೂರ್ಯಕಾಂತಿ ಎಣ್ಣೆ , ಸಂಸ್ಕರಿಸಿದ ಸೂರ್ಯಕಾಂತಿ ಎಣ್ಣೆಗೆ ಹೋಲಿಸಿದರೆ ಹೆಚ್ಚಿನ ಪೋಷಕಾಂಶಗಳನ್ನು ಉಳಿಸಿಕೊಳ್ಳುತ್ತದೆ. ಹಾಗಾಗಿ ಹೆಚ್ಚು ಆರೋಗ್ಯ ಪ್ರಯೋಜನಗಳಿವೆ .

ಸೂರ್ಯಕಾಂತಿ ಎಣ್ಣೆಯನ್ನು ಸೂರ್ಯಕಾಂತಿ ಬೀಜಗಳಿಂದ ಹೊರತೆಗೆಯಲಾಗುತ್ತದೆ. ಇದನ್ನು ಅಡುಗೆ ಯಲ್ಲಿ ಮಾತ್ರವಲ್ಲದೆ ಸೌಂದರ್ಯವರ್ಧಕ ಕೈಗಾರಿಕೆಗಳಲ್ಲಿ ಮತ್ತು ಅರೋಮಾಥೆರಪಿಯಲ್ಲಿಯೂ ವ್ಯಾಪಕವಾಗಿ ಬಳಸಲಾಗುತ್ತದೆ.

ಸೂರ್ಯಕಾಂತಿ ಎಣ್ಣೆಯಲ್ಲಿ ಹಲವು ವಿಧಗಳಿವೆ
ಕೊಬ್ಬಿನಾಮ್ಲ ಅಂಶವನ್ನು ಆಧರಿಸಿ ಸೂರ್ಯಕಾಂತಿ ಎಣ್ಣೆ ಹಲವಾರು ವಿಧಗಳಲ್ಲಿ ಬರುತ್ತದೆ:
• ಲಿನೋಲಿಕ್ ಸೂರ್ಯಕಾಂತಿ ಎಣ್ಣೆ(Linoleic Sunflower Oil): ಇದರಲ್ಲಿ ಅಧಿಕ polyunsaturated ಕೊಬ್ಬುಗಳು (ಒಮೆಗಾ-6) ಇವೆ. ಸಾಮಾನ್ಯವಾಗಿ ಅಡುಗೆ ಮತ್ತು ಆಹಾರ ಉತ್ಪನ್ನಗಳಲ್ಲಿ ಬಳಸಲಾಗುತ್ತದೆ.
• ಒಲೀಕ್ ಹೆಚ್ಚಿರುವ ಸೂರ್ಯಕಾಂತಿ ಎಣ್ಣೆ (High Oleic Sunflower Oil): ಇದರಲ್ಲಿ monounsaturated ಕೊಬ್ಬುಗಳು (ಒಮೆಗಾ-9) ಅಧಿಕವಾಗಿರುತ್ತದೆ . ಹೆಚ್ಚು ಸ್ಥಿರ ಮತ್ತು ಹೆಚ್ಚು ಬಾಳಿಕೆ ಬರುವ ಎಣ್ಣೆ. ಆದ್ದರಿಂದ ಇದು ಹೆಚ್ಚು ಶಾಖ ಬೇಕಾಗುವಲ್ಲಿ ಅಥವಾ ಹುರಿಯಲು ಸೂಕ್ತ.
• ಮಿಡ್-ಓಲಿಕ್ ಸೂರ್ಯಕಾಂತಿ ಎಣ್ಣೆ (Mid-Oleic Sunflower Oil): polyunsaturated ಮತ್ತು monounsaturated – ಸಮತೋಲನ ಕೊಬ್ಬನ್ನು ಹೊಂದಿರುತ್ತದೆ. ಅಡುಗೆ ಮಾಡಲು ಸಾಮಾನ್ಯವಾಗಿ ಬಳಸಲಾಗುತ್ತದೆ.

ಪೋಷಕಾಂಶಗಳು
ಸೂರ್ಯಕಾಂತಿ ಎಣ್ಣೆ ಪ್ರಮುಖವಾಗಿ ಕೊಬ್ಬಿನಾಮ್ಲಗಳನ್ನು ಹೊಂದಿದೆ. ಇತರೆ ಪ್ರಯೋಜನಕಾರಿ ಅಂಶಗಳನ್ನು ಸಹ ಒಳಗೊಂಡಿದೆ:
ಕೊಬ್ಬಿನಾಮ್ಲಗಳು:
• Polyunsaturated ಕೊಬ್ಬುಗಳು (ಲಿನೋಲಿಕ್ ಆಮ್ಲ): ಲಿನೋಲಿಕ್ ಸೂರ್ಯಕಾಂತಿ ಎಣ್ಣೆಯಲ್ಲಿ ಸುಮಾರು 59% ಅನ್ನು ಹೊಂದಿರುತ್ತದೆ.
• Monounsaturated ಕೊಬ್ಬುಗಳು (ಒಲೀಕ್ ಆಮ್ಲ): ಹೆಚ್ಚಿನ ಒಲೀಕ್ ಸೂರ್ಯಕಾಂತಿ ಎಣ್ಣೆಯಲ್ಲಿ ಸುಮಾರು 89% ಅನ್ನು ಹೊಂದಿರುತ್ತದೆ.
• ಸ್ಯಾಚುರೇಟೆಡ್ ಕೊಬ್ಬುಗಳು: ಇದು ಸುಮಾರು 10-11% ಅನ್ನು ಹೊಂದಿರುತ್ತದೆ.

ಜೀವಸತ್ವಗಳು:
• ವಿಟಮಿನ್ ಇ (ಟೋಕೋಫೆರಾಲ್): ಇದರಲ್ಲಿ ವಿಟಮಿನ್ ಇ ಸಮೃದ್ಧವಾಗಿದೆ. ಆದ್ದರಿಂದ ಇದು ಉತ್ಕರ್ಷಣ ನಿರೋಧಕವಾಗಿ ಕಾರ್ಯನಿರ್ವಹಿಸುತ್ತದೆ.

ಫೈಟೊಕೆಮಿಕಲ್ಸ್ Phytochemical:
• ಫೈಟೊಸ್ಟೆರಾಲ್ ಗಳು Phytosterol: ಇದು ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಆರೋಗ್ಯ ಪ್ರಯೋಜನಗಳು

• ಹೃದಯರಕ್ತನಾಳದ ಆರೋಗ್ಯ: ಆರೋಗ್ಯಕರ ಕೊಬ್ಬಿನಂಶದಿಂದಾಗಿ ಕೆಟ್ಟ ಕೊಲೆಸ್ಟ್ರಾಲ್ (ಎಲ್ಡಿಎಲ್) ಮಟ್ಟವನ್ನು ಕಡಿಮೆ ಮಾಡಲು ಮತ್ತು ಉತ್ತಮ ಕೊಲೆಸ್ಟ್ರಾಲ್ (ಎಚ್ಡಿಎಲ್) ಮಟ್ಟವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಸಮತೋಲಿತ ಆಹಾರದ ಭಾಗವಾಗಿ ಬಳಸಿದಾಗ ಹೃದ್ರೋಗದ ಅಪಾಯವನ್ನು ಕಡಿಮೆ ಮಾಡುತ್ತದೆ.
• ಉತ್ಕರ್ಷಣ ನಿರೋಧಕ ಗುಣಲಕ್ಷಣಗಳು: ವಿಟಮಿನ್ ಇ ಜೀವಕೋಶಗಳನ್ನು ಆಕ್ಸಿಡೇಟಿವ್ ಒತ್ತಡ ಮತ್ತು ಹಾನಿಯಿಂದ ರಕ್ಷಿಸಲು ಸಹಾಯ ಮಾಡುತ್ತದೆ. ಮತ್ತು ದೀರ್ಘಕಾಲದ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ.
• ಚರ್ಮದ ಆರೋಗ್ಯ: ಸೂರ್ಯಕಾಂತಿ ಎಣ್ಣೆ ಚರ್ಮದ ತೇವಾಂಶವನ್ನು ಕಾಪಾಡಿ ಪೋಷಿಸುತ್ತದೆ. ಚರ್ಮದ ಆರೋಗ್ಯ ಸುಧಾರಿಸಲು ಸಹಾಯ ಮಾಡುತ್ತದೆ. ಆದುದರಿಂದ ಇದನ್ನು ಹೆಚ್ಚಾಗಿ ಸೌಂದರ್ಯವರ್ಧಕ ಉತ್ಪನ್ನಗಳಲ್ಲಿ ಬಳಸಲಾಗುತ್ತದೆ
• ಉರಿಯೂತದ ಗುಣಲಕ್ಷಣಗಳು: ಒಲೀಕ್ ಆಮ್ಲವು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ಇದು ಸಂಧಿವಾತವನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ.
• ರೋಗನಿರೋಧಕ ಶಕ್ತಿ: ಉತ್ಕರ್ಷಣ ನಿರೋಧಕಗಳು ರೋಗ ನಿರೋಧಕ ಶಕ್ತಿಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಇದು ಸೋಂಕುಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.

 

ಪ್ರಶಾಂತ್ ಸುಂದರೇಶ್
ಸಹಸಂಸ್ಥಾಪಕರು ಮತ್ತು ಸಿಇಒ,
ವುಡಿಫೈಡ್ ನ್ಯಾಚುರಾ, 65/2, 6ನೇ ಅಡ್ಡರಸ್ತೆ ,
ಕಾವೇರಿಪುರ, ಬೆಂಗಳೂರು-560079
E-mail: prashanth@woodifiednatura.in
Ph: 91485 43303/ 9845764343
https://woodifiednatura.in