ರೇಡಿಯೋಗ್ರಫಿ ಅಥವಾ ಎಕ್ಸ್-ರೇ ರೋಗಿಗಳ ರೋಗ ನಿರ್ಣಯ ಮತ್ತು ಚಿಕಿತ್ಸೆಯಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತಿದೆ. ರೇಡಿಯೋಗ್ರಫಿ ಇಂದು ವೈದ್ಯಕೀಯ ವೃತ್ತಿಗೆ ಸಹಾಯಕವಾಗಿ ಸ್ವತಂತ್ರ ಉದ್ದಿಮೆಯಾಗಿ ಬೆಳೆದಿದೆ.
ಪ್ರತಿವರ್ಷ ನವೆಂಬರ್ 8ನೇ ತಾರೀಖಿನಂದು ವಿಶ್ವ ರೇಡಿಯೋಗ್ರಫಿ ದಿನವೆಂದು ಆಚರಿಸಲಾಗುತ್ತಿದೆ. ರೇಡಿಯೋಗ್ರಫಿ ಎಂದರೆ ಸಾಮಾನ್ಯ ಜನರಿಗೆ ಅರ್ಥವಾಗದಿರಬಹುದು. ಆದರೆ ಎಕ್ಸ್-ರೇ ಅಂದ್ರೆ ಬಹುತೇಕ ಎಲ್ಲರೂ ಕೇಳಿಯೇ ಇರ್ತೀರಿ. ವಿದ್ಯುತ್ಕಾಂತೀಯ ತರಂಗಗಳು ಎಂದು ಕರೆಯಲ್ಪಡುವ ಒಂದು ರೀತಿಯ ವಿಕಿರಣವೇ ಎಕ್ಸ್-ರೇ. ಇದು ವಿಕಿರಣಗಳನ್ನು ಹಾಯಿಸಿ ನಮ್ಮ ದೇಹದ ಒಳಗಿನ ಚಿತ್ರಗಳನ್ನು ಕಪ್ಪು ಬಿಳಿ ಛಾಯೆಯಲ್ಲಿ ನೋಡಬಹುದಾದ ಒಂದು ರೀತಿಯ ತಂತ್ರಜ್ಞಾನ. ವಿಭಿನ್ನ ಅಂಗಾಂಶಗಳು ವಿಭಿನ್ನ ಪ್ರಮಾಣದ ವಿಕಿರಣವನ್ನು ಹೀರಿಕೊಳ್ಳುವ ಮೂಲಕ ನಮಗೆ ಚಿತ್ರವು ಗೋಚರಿಸುತ್ತದೆ.
ದೇಹಕ್ಕೆ ಹಾಯಿಸಿದ ವಿಕಿರಣಗಳಿಂದ ಮೂಳೆಗಳಲ್ಲಿನ ಕ್ಯಾಲ್ಸಿಯಂ ಕ್ಷ-ಕಿರಣಗಳನ್ನು ಹೆಚ್ಚು ಹೀರಿಕೊಳ್ಳುತ್ತದೆ; ಆದ್ದರಿಂದ ಮೂಳೆಗಳು ಬಿಳಿಯಾಗಿ ಕಾಣುತ್ತವೆ. ಕೊಬ್ಬು ಮತ್ತು ಇತರ ಮೃದು ಅಂಗಾಂಶಗಳು ಕಡಿಮೆ ಕ್ಷ ಕಿರಣಗಳನ್ನು ಹೀರಿಕೊಳ್ಳುವುದರಿಂದ ಬೂದು ಬಣ್ಣದಲ್ಲಿ ಕಾಣುತ್ತವೆ. ಗಾಳಿಯು ಅತಿ ಕನಿಷ್ಠ ಕ್ಷ ಕಿರಣಗಳನ್ನು ಹೀರಿಕೊಳ್ಳುವುದರಿಂದ ಶ್ವಾಸಕೋಶವು ಕಪ್ಪು ಬಣ್ಣದ್ದಾಗಿರುತ್ತದೆ. ಈ ರೀತಿ ಎಕ್ಸ್-ರೇ ಮೂಲಕ ನಮ್ಮ ಆಂತರಿಕ ಭಾಗಗಳನ್ನು ನೋಡಬಹುದು, ಆ ಮೂಲಕ ಆರೋಗ್ಯ ಸಮಸ್ಯೆಗೆ ಚಿಕಿತ್ಸೆ ನೀಡಲು ಈ ತಂತ್ರಜ್ಞಾನ ಸಹಕಾರಿಯಾಗಿವೆ.
ಎಕ್ಸರೆಗಳ ಅತ್ಯಂತ ಪರಿಚಿತ ಬಳಕೆಯು ಮುರಿತಗಳನ್ನು (ಮುರಿದ ಮೂಳೆಗಳು) ಪರಿಶೀಲಿಸುವುದು. ಆದರೆ ಕ್ಷ-ಕಿರಣಗಳನ್ನು ಇತರ ವಿಧಾನಗಳಲ್ಲಿಯೂ ಬಳಸಲಾಗುತ್ತದೆ. ಉದಾಹರಣೆಗೆ, ಎದೆಯ ಕ್ಷ-ಕಿರಣಗಳು ನ್ಯುಮೋನಿಯಾವನ್ನು ಗುರುತಿಸಬಹುದು. ಸ್ತನ ಕ್ಯಾನ್ಸರ್ ಅನ್ನು ನೋಡಲು ಮ್ಯಾಮೊಗ್ರಾಮ್ಗಳು ಕ್ಷ-ಕಿರಣಗಳನ್ನು ಬಳಸುತ್ತವೆ. ಒಟ್ಟಾರೆಯಾಗಿ ಇದನ್ನೇ ವೈದ್ಯಕೀಯ ಹಾಗೂ ತಾಂತ್ರಿಕವಾಗಿ ರೇಡಿಯೋಗ್ರಫಿ ಎಂದು ಕರೆಯಲಾಗುತ್ತದೆ.
ನವಂಬರ್ 8 ವಿಶ್ವ ರೇಡಿಯೋಗ್ರಫಿ ದಿನ
1895ರಲ್ಲಿ ಎಕ್ಸ-ರೇ ಆವಿಷ್ಕಾರವಾಯಿತು. ಅದರ ವಾರ್ಷಿಕೋತ್ಸವದ ನೆನಪಿಗಾಗಿ ನವೆಂಬರ್8 ವಿಶ್ವ ರೇಡಿಯೋಗ್ರಫಿ ದಿನವೆಂದು ಆಚರಿಸಲಾಗುತ್ತಿದೆ. ರೇಡಿಯೋಗ್ರಾಫಿಕ್ ಇಮೇಜಿಂಗ್ ಮತ್ತು ಚಿಕಿತ್ಸೆಯ ಬಗ್ಗೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವುದು ಈ ದಿನದ ಮುಖ್ಯ ಉದ್ದೇಶವಾಗಿದೆ. ರೋಗಿಗಳ ರೋಗ ನಿರ್ಣಯ ಮತ್ತು ಚಿಕಿತ್ಸೆಯಲ್ಲಿ ರೇಡಿಯೋಗ್ರಫಿಯು ಇಂದು ನಿರ್ಣಾಯಕ ಪಾತ್ರ ವಹಿಸುತ್ತಿದೆ. ರೇಡಿಯೋಗ್ರಫಿ ಇಂದು ವೈದ್ಯಕೀಯ ವೃತ್ತಿಗೆ ಸಹಾಯಕವಾಗಿ ಸ್ವತಂತ್ರ ಉದ್ದಿಮೆಯಾಗಿ ಬೆಳೆದಿದೆ. ಬಹುತೇಕರಿಗೆ ವೃತ್ತಿಯಾಗಿದೆ ಹಾಗೂ ಆಧುನಿಕ ಆರೋಗ್ಯ ಸೇವೆಗೆ ಪ್ರಮುಖ ಕೊಡುಗೆಯಾಗಿದೆ.
ವಿಶ್ವ ರೇಡಿಯಾಗ್ರಫಿ ದಿನ (ಡಬ್ಲ್ಯುಆರ್‌ಡಿ) 1895 ರಲ್ಲಿ ವಿಲ್ಹೆಲ್ಮ್ ರೋಂಟ್ಜೆನ್ ಅವರಿಂದ ಎಕ್ಸ್–ರೇ ವಿಕಿರಣದ ಆವಿಷ್ಕಾರದ ವಾರ್ಷಿಕೋತ್ಸವವನ್ನು ಸೂಚಿಸುತ್ತದೆ. ಪ್ರತಿ ವರ್ಷ ನವೆಂಬರ್ 8 ರಂದು, ವಿಶ್ವದಾದ್ಯಂತದ ರೇಡಿಯಾಗ್ರಫಿ ವೃತ್ತಿಪರರು ವೃತ್ತಿಯನ್ನು ಉತ್ತೇಜಿಸುವ ಮೂಲಕ ಮತ್ತು ನಮ್ಮ ಪ್ರಮುಖ ಕಾರ್ಯಗಳ ಬಗ್ಗೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವ ಮೂಲಕ ಆಧುನಿಕ ಆರೋಗ್ಯ ಸೇವೆಗೆ ನಮ್ಮ ಮಹತ್ವದ ಕೊಡುಗೆಯನ್ನು ಆಚರಿಸುತ್ತಾರೆ.
ಅಸೋಸಿಯೇಷನ್ ಆಫ್ ರೇಡಿಯೋಗ್ರಾಫರ್ಸ್ ಆಫ್ ನೈಜೀರಿಯಾ, ಯುನೈಟೆಡ್ ಕಿಂಗ್‍ಡಂನ ಸೊಸೈಟಿ ಆಫ್ ರೇಡಿಯೋಗ್ರಾಫರ್ಸ್ (ಸೋಆರ್) ಸೇರಿದಂತೆ ವಿವಿಧ ರಾಷ್ಟ್ರೀಯ ರೇಡಿಯೋಗ್ರಾಫರ್‍ಗಳ ಸಂಘಗಳು ಮತ್ತು ಸಮಾಜಗಳು ಈ ದಿನವನ್ನು ವಿಶ್ವಾದ್ಯಂತ ಆಚರಿಸುತ್ತವೆ. ಇಂಟನ್ರ್ಯಾಷನಲ್ ಸೊಸೈಟಿ ಆಫ್ ರೇಡಿಯೋಗ್ರಾಫರ್ಸ್ ಮತ್ತು ರೇಡಿಯೊಲಾಜಿಕಲ್ ಟೆಕ್ನಾಲಜಿಸ್ಟ್ಸ್ 2007 ರಿಂದ ನವೆಂಬರ್ 8 ಅನ್ನು ವಿಶ್ವ ರೇಡಿಯಾಗ್ರಫಿ ದಿನವಾಗಿ ಆಚರಿಸಿದ್ದಾರೆ. ರೇಡಿಯೋಗ್ರಾಫರ್ಸ್ ಅಸೋಸಿಯೇಶನ್ ಆಫ್ ಮಧ್ಯಪ್ರದೇಶ (ಭಾರತ) 1996 ರಿಂದ ಈ ದಿನವನ್ನು ವಿಶ್ವ ರೇಡಿಯೋಗ್ರಾಫಿ ದಿನವನ್ನಾಗಿ ಆಚರಿಸುತ್ತಾ ಬಂದಿದೆ.
